مدرسهنین ایلک گونو
مدرسه نین ایلک گونلری
بو حیکایهنی قارداشیم داود اهری بی اهردن بیزه گؤندهریب؛ اونا الین آغریماسین دئییب بو گؤزل حیکایهنی بیرلیکده اوخویاق:
مدرسهنین ایلک گونو
پاييزين اوّل گونودور. مدرسهلر آچيليبدير. منده عؤمرومده ايلک گوندور مدرسهيه گليب، حيطده كيف اليمده دايانميشام.
مدرسهنين حيطی چوخ شولوغدور، اوشاقلارين سسی اوزاقداندا ائشيديلير.
كريم اوزاقدان دوروب منه باخير. بير نئچه گوندور كوسولويوک. بيردن قولاغيمی بير آری سانجير. باشلاييرام آغلاماغا. كريم منيم آغلاماغيمی ائشيديب، منه طرف گلير. مندن سوروشور:
- يالوارميرام ياخارميرام، نه اولوبدور؟!
من بير اليم قولاغيمدا، آغلاماغيمی كسيب اونا دئييرم:
- يالوارميرام ياخارميرام، دئيهسن قولاغيمی آری سانجيب.
او بير آز فيكيرلهشير .سونرا سئوينج ايله منه دئيير:
- يالوارميرام ياخارميرام، گئت آغا ناظيمه دئگینن!
باخيرام، آغا ناظيم الينده بير تاختا خطكش، مدرسهنين قاپیسينين قارشيسيندا دوروب. گئديرم و آغا ناظيمه دئييرم:
- آغا! اجازه.قولاغيمی آری سانجيب.
آغا ناظيم گوله- گوله، الينده كی خطكشی او بيريسی الينه وورا- وورا منه دئيير:
- گئت اونو توت گتير تا اونو ادب ائلهييم.
سونرا من حيطده آرينی آختاريرام...!
اهر: 16/2/77
داود اهری
منبع :