معلم گونو (شعر)

 

معلم گونون تبریک دییرک

اونلارین بوتون زحمت لرینن تشکوریمی بیلیندیریرم

 

معلم

بالاجا اوغلان ایدیم

ائویمیزده خان ایدیم

آلتی یاشیم بیتنده

مکتب واختی یئتنده

آتام منه کیف آلدی

منی یانینا سالدی

آپاردی مدرسه یه

آدیمی یازسین دئیه

آدیم کئچدی دفتره

باخیردیم قلملره

بیلمیردیم نه دیر یازی

نئجه یازیم کاغاذی

نئچه واخت گئتدیم اورا

قول قویدوم کاغاذلارا

یارینی بیلدیم داهی

شوکر ائله دیم آللهی

آدیمی یازا بیلدیم

یازینی یوزا بیلدیم

بونو کیم اؤیرتدی کیم؟

محبتلی معلم.

شعر :بهرام اسدی

بیزیم داغلار

 

بیزیم داغلار

دره لری یان- یانادیر،

بیزیم داغلار بیزیم داغلار

بولودلارلا هم خانادیر

بیزیم داغلار، بیزیم داغلار.               

بولاقلاری سرین-سرین،

اویناغیدیر گؤزللرین،

عرشه آچیب اؤز اللرین

بیزیم داغلار، بیزیم داغلار.

اتکلری چادیر، چادیر

زیروه لری گؤیه چاتیر،

اولدوزلارا کمند آتیر،

بیزیم داغلار بیزیم داغلار.

هاشم طرلان(سئچیلمیش)

 

 

آری و کپنک

 

آری و کپنک

چمنده بیر کپنک

آرینی قویدو لاغا:

- ایینه‌سی ایتی, آجی,

قانادلاری لوت باجی!

نَیه گئدیرسن باغا,

گل گئدک اویناماغا!

جاواب وئرمه‌دی آری,

گئتدی داغلارا ساری.

ایشله‌دی آخشاماجان

پته‌یه بال داشیدی.

چیچکلرین شئهیندن

قانادلاری یاش ایدی.

گؤردو خاللی کپنک

آرینین اینادینی,

چیچکلرین ایچینده

گیزلتدی قانادینی.

شعر : خلیل زاهید

 

کئچی

 

 

آلا-بولا, بوز کئچی,

آی قوشا بوینوز کئچی!

یالقیز گزمه, دولانما,

داغا-داشا دیرمانما.

بیر قورد چیخسا قارشینا,

سن نه ائدرسن اونا?

چوبان آچینجا گؤزون,

قالار ایکی بوینوزون.

شعر: عبدالله شایق